అంబర్‌పేటలో పాదయాత్ర...CPI(M)

పేద‌ల‌కు ఉచితంగా తాగునీరివ్వా‌లి...CPI(M)

-  సిపిఎం పాద‌యాత్ర లో  ఎం శ్రీనివాస్ డిమాండ్

     న‌గ‌రంలో ప్ర‌భుత్వం ప్ర‌క‌టించిన 1487 మురికివాడ‌ల‌కు ఉచితంగా తాగునీరందించాల‌ని సిపిఎం గ్రేట‌ర్ సిటీ క‌మిటీ కార్య‌ద‌ర్శి వ‌ర్గ స‌భ్యు‌లు ఎం శ్రీనివాస్ డిమాండ్ చేశారు. ప్ర‌జ‌ల‌కు తాగునీరందివ్వ‌డం ప్ర‌భుత్వం హ‌క్క‌ని, కానీ ప్ర‌భుత్వం డ‌బ్బు‌లు వ‌సూలు చేస్తూ వ్యా‌పారంగా మార్చ‌డం సిగ్గుచేట‌ని విమ‌ర్శించారు. న‌గరంలో ప్ర‌జాస‌మ‌స్యల అధ్య‌య‌నం వాటి ప‌రిష్కా‌రం కోసం సిపిఎం నిర్వ‌హిస్తు‌న్న పాద‌యాత్ర ఆదివారం ఏడో రోజుకు చేరింది. ముషీరాబాద్ నియోజ‌వ‌ర్గంలోకి క‌వాడిగూడ‌, వాంబే కాల‌నీ, అరుంధ‌తీన‌గ‌ర్‌, గాంధీ న‌గ‌ర్, బాగ్‌లింగంపల్లి ఏరియాల్లో పాద‌యాత్ర కొన‌సాగింది. ఈ సంద‌ర్భంగా ప్ర‌జ‌లు త‌మ స‌మ‌స్య‌ల‌ను సిపిఎం పాద‌యాత్ర బృందంతో ఏక‌రువు పెట్టు‌కున్నా‌రు. ఈ సంద‌ర్భంగా సిపిఎం పాద‌యాత్ర‌కు నాయ‌క‌త్వం వ‌హిస్తు‌న్న ఎం శ్రీనివాస్ మాట్లా‌డుతూ ప్ర‌జాస‌మ‌స్య‌లను అధికార కాంగ్రెస్ పార్టీ ప‌ట్టించుకోకుండా వ్య‌వ‌హ‌రిస్తోంద‌ని విమ‌ర్శించారు. నిత్యం విభ‌జ‌న గోడ‌వ‌ల పేరుతో స‌మ‌స్య‌ల‌ను గాలికొదిలేసింద‌న్నా‌రు. న‌గ‌రంలోని మురికి వాడ‌ల్లో ఉచితంగా నీరందించేందుకు నెల‌కు కేవ‌లం రెండు కోట్ల రూపాయ‌లు మాత్ర‌మే ఖ‌ర్చ‌వుతాయ‌ని దీన్ని కూడా ప్ర‌భుత్వం భ‌రించ‌క‌పోవ‌డం సిగ్గు‌చేట‌ని పేర్కొ‌న్నా‌రు. పెరుగుతున్న ధ‌ర‌లు త‌గ్గించాల‌ని కోరితే ఇటీవ‌ల గ్యా‌స్‌, డీజిల్ ఇత‌ర నిత్య‌వ‌స‌ర ధ‌ర‌లు పెంచింద‌ని పేర్కొ‌న్నారు. ఇవీ చాల‌న‌ట్లు ఎఫ్రిల్ నెల నుంచి క‌రెంటు చార్జీ‌ల‌ను 70 శాతం పెంచేందుకు కుట్ర ప‌న్ను‌తోందని విమర్శించారు. దీనికోసం ఈనెల 4న ఇఆర్‌సి మీటింగ్ కూడా నిర్వ‌హిస్తోంద‌ని, దీన్ని అడ్డు‌కుంటామ‌ని హెచ్చ‌రించారు. రిల‌య‌న్స్, ఇత‌న గ్యా‌స్ ఎజెన్సీ‌ల కోస‌మే క‌రెంటు ఛార్జీ‌లు పెంచుతుంద‌ని విమ‌ర్శించారు. అనంత‌రం సిపిఎం ముషీరాబాద్ జోన్ కార్య‌ద‌ర్శి ఎం శ్రీనివాస్‌రావు మాట్లా‌డుతూ వాంబే కాల‌నీలో ప్ర‌జ‌లు అనేక స‌మ‌స్య‌లు ప‌డుతున్నా‌ర‌ని పేర్కొ‌న్నా‌రు. మంచినీళ్ల‌లో మురుగు నీరు వ‌స్తున్నా అధికారులు ప‌ట్టించుకోకుండా నిర్ల‌క్ష్య‌పు స‌మాదానాలు ఇస్తు‌న్నా‌ర‌ని విమ‌ర్శించారు. అర్హు‌లైన పేదలకు ఇళ్ల‌స్థ‌లాలు కేటాయించాల‌ని డిమాండ్ చేశారు. ఈ పాద‌యాత్ర‌లో సిపిఎం నాయ‌కులు ధ‌శ‌ర‌త్‌, నాగ‌రాజు, న‌రేష్‌, కృష్ణ‌నాయ‌క్‌, కుమార స్వా‌మి, జాకిర్‌, విమ‌ల‌, అరుణ‌జ్యో‌తి, వీరాచారీతో పాటు సిపిఎం కార్య‌క‌ర్త‌లు పాల్గొ‌న్నా‌రు.

      ఆలోచింప‌జేస్తు‌న్న పిఎన్ఎం పాటలు  పాదయాత్ర‌లో ప్ర‌జానాట్య‌మండ‌లి బృందం పాడుతున్న పాట‌లు అంద‌రినీ ఆలోచింప‌జేస్తు‌న్నా‌యి. పాల‌కులు ప్ర‌జ‌లు ఎలా భారాలు వేస్తు‌న్నా‌రు. ప్ర‌జ‌లు ఎదుర్కొంటున్న స‌మ‌స్య‌లు, సిపిఎం ప్ర‌జల ప‌క్షానా నిల‌బ‌డి చేస్తు‌న్న పోరాటాలు, పాద‌యాత్ర తీరును పాట‌ల రూపంలో ప్ర‌జ‌ల‌కు వివ‌రిస్తు‌న్నా‌రు. పాద‌యాత్ర‌లో అగ్ర‌భాగాన డ‌బ్బు‌ల ద‌ర‌వుల‌తో న‌డుస్తూ‌, పాద‌యాత్ర‌కు రూపాన్ని తీసుకొస్తు‌న్నా‌రు. పిఎన్ఎం బృందానికి నాయ‌కులు సైదులు, భాస్క‌ర్ నాయ‌క‌త్వం వ‌హిస్తు‌న్నా‌రు.

ముషీరాబాద్ జోన్ లో పాదయాత్ర ..CPI(M)

ఖైర‌తాబాద్‌,జూబ్లి‌హిల్స్ జోన్లలో పాదయాత్ర ..CPI(M)

గోషామహల్,నాంపల్లి జోన్లలో పాదయాత్ర...CPI(M)

కార్వాన్ లో పాదయాత్రలు... CPI(M)

ఉప్పల్ లో ప్రజా సమస్యలపై పాదయాత్రలు...CPI(M)

విభజన పేరుతో ప్రజా సమస్యలు పక్కదారి...CPI(M)

- సబ్సిడీలు ఎత్తేయాలనడం రాష్ట్రపతికి తగదు

- సిపిఎం రిలే పాదయాత్రలో రాఘవులు

    సమైక్య, విభజన ఆందోళనలంటూ ప్రజాప్రతినిధులు ప్రజా సమస్యలను పూర్తిగా విస్మరిస్తున్నారని, ప్రజలు అనేక ఇబ్బందులో సతమతమౌతున్నారని సిపిఎం రాష్ట్ర కార్యదర్శి బివి రాఘవులు అన్నారు. ప్రజా సమస్యలను పరిష్కరించాలని డిమాండ్‌ చేస్తూ ప్రభుత్వంపై ఒత్తిడి తెచ్చేందుకు రిలే పాదయాత్రలు నిర్వహిస్తున్నట్లు తెలిపారు. అందులో భాగంగా సోమవారం హైదరాబాద్‌ ఇసిఐఎల్‌ చౌరస్తాలో సిపిఎం గ్రేటర్‌ హైదరాబాద్‌ సెంట్రల్‌ ఏరియా కమిటీ ఆధ్వర్యంలో రిలే పాదయాత్రలను ఆయన ప్రారంభించారు. ప్రారంభ సభలో రాఘవులు మాట్లాడుతూ.. పేదలకు 2 రూపాయలకు కిలో బియ్యం, రైతులకు ఉచిత విద్యుత్‌, గ్యాస్‌ సబ్సీడీ వంటివి ఎత్తేయాలని రాష్ట్రపతి తన ప్రసంగంలో పేర్కొనడం తగదన్నారు. ప్రజలకు సబ్సిడీ ఎత్తివేసి ధనికులకు రూ.5 లక్షల కోట్ల రాయితీలు ఇవ్వడం ఎంతవరకు సమంజసమని ప్రశ్నించారు. కేంద్ర ప్రభుత్వం సబ్సిడీలను దశలవారీగా తొలగించేందుకు ప్రయత్నిస్తోందని విమర్శించారు. ప్రస్తుతం గ్యాస్‌కు రూ.1300 వసూలు చేసి, రకరకాల నిబంధనలు విధించి ప్రజలను, మహిళలను ఇబ్బందులకు గురిచేస్తున్నారన్నారు. పేదలకు ఇవ్వడానికి ఇళ్ల స్థలాలు లేవని చెబుతున్న ప్రభుత్వం.. పారిశ్రామికవేత్తలు, పెట్టుబడిదారులు వేలాది ఎకరాలను ఆక్రమించుకుంటే వాటిని రెగ్యులైజ్‌ చేస్తున్నారని అన్నారు. రాయితీని తమ హక్కుగా కాపాడుకునేందుకు పేదలు, రైతులు పోరాటాలకు ముందుకు రావాలని కోరారు. ఢిల్లీలో ఆమ్‌ఆద్మీ పార్టీ విద్యుత్‌ ఛార్జీల తగ్గింపు, మంచినీటిని ఉచితంగా అందిస్తామని చెప్పడం వల్లే ప్రజలు అధికారం కట్టాబెట్టారన్నారు. విద్యుత్‌ ఛార్జీలు తగ్గించి, ప్రజలకు మంచినీరు ఉచితంగా అందించాలని సిపిఎం ఆధ్వర్యంలో పోరాటం నిర్వహిస్తున్నట్లు చెప్పారు. ఇతర రాష్ట్రాల్లో సాధ్యమౌతున్న పనులు.. మన రాష్ట్రంలో ఎందుకు సాధ్యం కావని ప్రశ్నించారు. ఇతర పార్టీలు కూడా తమ అభిప్రాయాలను ప్రజలకు తెలియపరచాలని డిమాండ్‌ చేశారు. సమైక్య, విభజనపై కాంగ్రెస్‌, టిడిపిలు ఎటూ తేల్చుకోలేక ప్రజలను గందరగోళానికి గురిచేస్తున్నాయన్నారు. మొదట్నుంచి రాష్ట్రాన్ని సమైక్యంగానే ఉంచాలని సిపిఎం చెప్పిందన్నారు. అసెంబ్లీకి బిల్లు వచ్చిన తరువాత చర్చలో పాల్గొన్న ముఖ్యమంత్రి.. ఇప్పుడు బిల్లును తిరిగి పంపించాలని సూచించడం చూస్తుంటే.. అధిష్టాన నిర్ణయం మేరకే సిఎం వ్యవహరిస్తున్నట్లు అర్థమౌతోందన్నారు. ఫిబ్రవరి 4న ఐఆర్‌సిని ముట్టడిస్తామని, ప్రజలందరూ పాల్గొనాలని అన్నారు.

              ఈ కార్యక్రమంలో సిపిఎం ఉప్పల్‌ జోన్‌ కార్యదర్శి జే.చంద్రశేఖర్‌, నగర కార్యదర్శవర్గ సభ్యులు జి.యాదగిరి రావు, ఎం.శ్రీనివాస్‌, ఆదినారాయణ, నర్సింహ్మా రెడ్డి తదితరులు పాల్గొన్నారు.

   ( ప్రజాశక్తి పత్రిక సౌజన్యం తో...  )